Transcription
1
Monsieur, pour ce que quelqung m’a dict à ce matin
2
que vous trouvés mal, je vous supplie très humblement
3
me faire tant de bien commander à Valernon
4
m’advertir de votre sancté, laquelle désire
5
comme la myenne et sy ma présence vous
6
pouvoyt servir de quelque chose, vous scavés
7
qu’avés toute puissance. Ceulx de la Relligion
8
de ce pays disent qu’ilz s’en vont en Flandres
9
et partiront ung jour de ceste sepmayne.
10
Monsieur de Montbrun les doibt conduyre
11
et ceulx de Vivarois se vont joindre avec heulx.
12
Monsieur le comte de Ventadour doibt estre
13
bien tost à La Voutte, lequel a faict ung voyage
14
en Angleterre où il n’a guières demeuré. L’on
15
actend bien tost monsieur le mareschal de
16
Montmorancy à la court. Monsieur le mareschal
17
de Dampville est avecque le roy et je
18
pence astheure qu’ay à la forestz de Lyons
19
ou des envyrons, que sera la fin, après
20
vous avoir supplié me commander vostre vouloyr
21
pour icelluy toute ma vie acomplir d’aussy bons
22
cœur que votre commère et moy nous recommandons
23
très humblement à votre bonne grâce, priant Dieu,
24
(v°] monsieur, qui vous ayt en sa garde. De vostre
25
maison de Montoyson, ce XIIIe de juilhet
26
1572
27
Votre très humble et aubéisant
28
servyteur comme bon conpagnon
29
Montoyson.